Dette er frå side 76 i Regional plan for vindkraft i Sogn og Fjordane. Kartet viser vernesona på begge sider av leia midt i Sognefjorden og Krakhellesundet. Skal denne planen fylgjast, vil Ulvegreina vindkraftverk nærmast bli utradert og Ytre Sula vindkraftverk litt redusert. I praksis er det truleg betre å stoppe anlegget i Ytre Sula.

 

YTRE SULA VINDPARK er eit vindkraftprosjekt i Ytre Sula på 39 vindmøller som skal gi ein samla effekt på 140 MW. Det vil gi ein årsproduksjon på 440 GWh. Utbyggjar er Sula Kraft AS som er eit selskap som er eigd i fellesskap av Sunnfjord Energi AS, Vestavind Kraft AS og Vardar AS. Det er sendt melding til NVE den 8/3-07. Sjå: Sakshandsaming hos NVE>>

ULVEGREINA VINDKRAFTANLEGG er eit prosjekt i den søraustlege delen av kommunen med 46 vindmøller med ein samla effekt på omlag 140 MW og ein årsproduksjon på 400 GWh. Utbyggjar her er Agder Energi Produksjon. Melding er motteke av NVE den 10/8-07. Sjå: Sakshandsaming hos NVE >>

YTRE SULA (minivindkraftverk) er berre tre vindmøller på til saman 7,5 MW effekt og ein årsproduksjon på omlag 22 GWh. Utbyggjar er  Vesta-Vind AS. Lokaliseringa ser ut til å vere på grensa til området til Ytre Sula Vindpark. Her er det sendt både konsesjonssøknad og vedlegg til NVE den 28/8-06. Sjå: Sakshandsaming hos NVE>>

Alle tre bileta ovanfor er henta ifrå sine respektive meldingar/konsesjonssøknader til NVE. Det første viser ein del av anleggsområdet, det andre er teke mot aust innover Sognefjorden og det tredje mot havet i vest.

Dette er det endelege kartet  i Fylkesplanen over konfliktområda i Solund når det gjeld vindkraft.Her kan ein sjå at heile kommunen er eit einaste stort konfliktområde gradert frå middels til stort.Legg spesielt merke til at søre delen av Ytre Sula har fått stort konfliktpotensiale.

Forslag til nettilknyting der Ytre Sula Vindpark og Ulvegreina Vindpark skal koplast i hop. Her skal det gå ei 132 kv. line nordover til Lutelandet og ei til Brosvik i Gulen. For Gulen sin del vil dette føre til at vi vil få ei line ifrå Dalsbotnfjellet til Frøyset i Masfjorden med 2-kurs stålmaster på 25 til 30 meters høgde. Det vil vere kraftig elektromagnetisk stråling ifrå ei så høgspent line som kan vere skadeleg for folk som bur i nærleiken.

Denne kraftige høgspentlina vil komme midt i fugletrekket nord - sørover. Slike kraftliner vil vere minst like skadeleg for fuglar som sjølve vindmøllene, til høgre spenning, til meir skade.

Det som vil vere endå verre er, at denne strålinga vil påverke den gjengse jordstrålinga i området, slik at den også blir verre i eit større område. Dette kan føre til fleire tilfelle av kreft, men også meir generelle helseplager for folk som bur i nærleiken. Ref.: RayFence>>

INNSPEL I FRÅ SOGN OG FJORDANE TURLAG:

Turlaget sitt svært klåre syn på utbyggingane i Solund er følgjande: Vi er sterkt mot all vindkraftutbygging i Solund. Naturen der er altfor verdfull til at den skal øydeleggast av 88 store turbinar. Der bør det ikkje settast opp ein einaste turbin! Nest etter Guleslettene i Flora og Bremanger, reknar vi Solund som det verste området i Sogn og Fjordane å bygge vindkraftverk i! Vi ønskjer at alle dei 3 utbyggingsplanane vert lagde vekk – for godt! Les meir>>

Vi i Nettverk mot vindmøller i Gulen (NMVIG) ser det ikkje som vår oppgåve å kjempe imot vindkraftverk i nabokommunar, viss det ikkje går ut over oss også her i Gulen. Dette får sulingane finne ut av sjølve. Vil dei ha industrielle vindkraftanlegg som gir lite lokale arbeidsplassar og ytterlegare utflytting og forgubbing? Eller vil dei satse på naturbasert turisme med bygging av rorbuer, hytter og fritidshus som kan gi liv og aktivitet rundt om i bygdene, i alle fall i feriesesongen og helgane? Det siste gir nemleg auke i lokale arbeidsplassar for entreprenørar og handverkarar og meir sysselsetting i servicenæringane.

Vindkraftverk og turisme går diverre svært  dårleg i hop, men kor dårleg kan naturlegvis vere eit vurderings- og diskusjonsspørsmål. Reiselivsorganisasjonane åtvarar mot bygging av vindkraftverk i typiske turistområde, og så godt som ei samla reiselivsnæring går også sterkt i mot dette. På den andre sida argumenterer energiselskapa med vindmølleturisme, og det er kanskje greitt der det ikkje finst andre turistmessige mogelegheiter. Men ei undersøking som er føreteke av Vestlandsforsking viser at: Turistane vil ikkje ha vindmøller.

Når det gjeld SAE-Vind, har dei også eit utbyggingsprosjekt på sørsida av Sognefjorden i Gulen kommune, nemleg Brosviksåta Vindpark med 35 vindmøller. Blir begge desse prosjekta realiserte, vil turistane som skal inn Sognefjorden for å sjå f.eks. verdsarven Nærøyfjorden, nærmast bli møtt  av ein portal av vindmølleanlegg på begge sider av innløpet til  Sognefjorden. Då treng vi nok ikkje lenger tenkje på meir gratisreklame hos det internasjonale stormagasinet National Geographic Traveler om at Fjord-Noreg er verdas beste urørde reisemål. Reiselivsnæringa i Indre Sogn bør nok ta ein kikk på dette.

Når NMVIG likevel har valt å blande seg litt inn i vindkraftutbygginga i nabokommunen Solund, er det fordi desse to prosjekta også har konsekvensar for turismen og reiselivssatsinga i Gulen. Vi har etter kvart fått ein del store hyttefelt i den vestlege og nordlege delen av kommunen, og desse kan bli svært sjenerte av desse planlagde vindmøllene, med f.eks. uestetisk synsinntrykk og svært "morosame" solnedgangar om sommaren. Dessutan er det planlagt ei 132 kilovolts kraftlinjer gjennom Gulen til Frøyset i Masfjorden.

Bileta her er henta ifrå konsekvensutgreiingane til dei respektive utbyggarane.

Det som står nedanfor her er det same som står på høgre sida. Av ein eller annan grunn ser det ut til å vere umogeleg å få det vekk utan at det forsvinn heilt: