|
|
|
|
SETENESFJELLET VINDMØLLEPARK SAKSHANDSAMING - SISTE NYTT SOGN OG FJORDANE TURLAG går i mot vindmøller på Setenesfjellet: - Dette synet/denne tilrådinga er basert på ei heilskapsvurdering av omsynet til landskap, kulturminne, kulturmiljø, reiseliv og friluftsliv. Vi ber NVE krevje, at det vert utarbeidd ei skikkeleg, omfattande tilleggsutgreiing om reiseliv! MSWord-dok, les meir>> MILJØVERNFORBUNDET går i mot vindkraft i Gulen. Det har vist seg at kommunar som alt er fråflyttingskommunar, får ytterlegare fråflytting etter at dei har fått vindkraftanlegg. Dessutan har det vist seg at eigedomsprisane har gått ned med opp til 30 % inntil fleire kilometer ifrå vindkraftanlegga. Pdf-doc, les meir>> NATURVERNFORBUNDET i S.&Fj. går i mot utbygging av Setenesfjellet vindmøllepark. Ulempene i inngrepsfri natur, og for fuglelivet og opplevingsverdiane er for store til at utbygginga kan vere forsvarleg, jamvel om det skulle finnast argument for å auke straumproduksjonen. NVF. ser på bygging av vindkraft på same måten som annan kraftutbygging, og let seg ikkje binde av argumentet om at vi må rasere kystnaturen for å berge verda ifrå ei klimakatastrofe. Sjå høyringsfråsegn>> NETTVERK MOT VINDMØLLER I GULEN: Nei til begge dei to planlagde vindkraftanlegga i Gulen. Fylgjande innspel om konsekvensutgreiing Setenesfjellet vindmøllepark og melding Brosviksåta vindkraftverk er sendt til NVE den 19/12-08. Vi meiner, at både Tusenårsstaden Gulatinget på Flolid og det gamle Gulatinget i Eivindvik bør sjåast på som eit felles samla kulturhistorisk område. Dette bør også gjelde alle dei andre stadane i Gulafjorden som har hatt historisk tilknyting til det gamle Gulatinget som møte- og stemneplassar. Les innspelet, MSWord-doc>> GULEN KOMMUNE: Nei til Setenesfjellet vindmøllepark og tja til Brosviksåta vindkraftverk. Kommunestyret i Gulen har i møte torsdag den 11. desember 2008 avvist Setenesfjellet vindmøllepark, og sagt ja til Brosviksåta vindkraftverk på visse vilkår. Les vedtaket, MSWord-doc>> Det er svært gledeleg for oss i NMVIG, at eit fleirtal av politikarane i kommunen har avvist Setenesfjellet vindmøllepark, sjølv om Brandangersundet interessegruppe i tolvte time fekk innfridd alle krava sine. Men på den andre sida er det svært beklageleg, at Brosviksåta vindkraftverk vart førebels godteke utan større restriksjonar. Her burde ein i det minste ha kravd, at vindmøllene ikkje skal vere synlege ifrå Midtunvågen, i og med at Tusenårsstaden på Flolid og Gulatingsstaden i Eivindvik bør sjåast på som eitt felles historisk område. Det beste ville ha vore om Gulen kommune hadde erklært seg som vindmøllefri reiselivskommune. Det ville ha gitt eit signal ut som ville ha vore omdømme- og merkevarebygging av beste sort. Men det skal vel endå ta ei tid før politikarane i Gulen tek reiseliv og turisme på alvor som ei veksande næring med stort potensiale. Diverre ser det ut til å vere eit politisk parti i kommunen som likar å kalle seg næringspartiet framfor alle andre, som hittil knapt har oppdaga at reiseliv er ei næring.
FOLKEMØTE OM VINDKRAFT I GULEN
På dette møtet, som var både interessant og informativt, fekk vi vite at NVE prioriterer dei to vindprosjekta i Gulen, fordi det er for lite straum i området (Mongstad) og kapasiteten i nettet kan ta imot straumen. Gulen kommune blir sett på sidelina og NVE overtek den vidare sakshandsaminga. No må Gulen kommune sende inn innspel til NVE på lik line med alle oss andre. Frist for innspel er 19/12-08. På den positive sida blei det sagt, at NVE skal sjå desse to prosjekta i Gulen i samanheng, også i samanheng med vindkraftprosjekta på nordsida av Sognefjorden. Agder Energi kjem først til å søkje konsesjon om to år (vågar vi å tru på det?), og før den tid blir det ikkje bestemt noko. Kanskje det likevel er mogeleg at desse vindkraftprosjekta blir vurderte i samanheng med fylkesdelplanen for vindkraft, som skal bli ferdig i juni 2010.
Sjå også: SAKSHANDSAMING HOS NVE.
Forslag til ny arealplan for Gulen kommune har vore ute på høyring. Her er både Setenesfjellet og Brosvikfjellet/Midtunfjellet på nytt ført opp som område for vindkraft. NMVIG har sendt inn innspelet til arealplanen (MSWord-doc). Les dette>> Ein kortare versjon av dette innspelet vart sendt inn til tre lokalaviser og stod på trykk i Nordhordland og Strilen på laurdag den 4. og i Firda på tysdag den 7. oktober. Firda Eiendom AS på Skjerjehamn har ved driftsansvarleg Ragnar Joakim Nese også sendt inn eit sterkt og viktig innspel, (Pdf-doc): Les dette>> Dei som ikkje rakk å sende inn innspel til arealplanen denne gongen, vil få ein ny sjanse om ein månads tid. Først skal arealplanen gjennom ei administrativ og politisk handsaming der ein tek omsyn til dei innsende innspela. Deretter skal den ut på ei ny høyring. Forslag til ny arealplan for Gulen kommune finn du her: http://hafs.ws.no/index.asp?meny=gulen&v=kommunar&h=gulen.asp?page=forsiden. Dei to mest relevante dokumenta her er: plankartA0.pdf og planrapport.pdf. Ei samla oversikt over det som hittil har skjedd i saka om regulering av Setenesfjellet finn du i: Planrapport.pdf. NMVIG finn dette spesielt beklageleg at Setenesfjellet på nytt er ført opp som område for vindkraft. På den andre sida er det svært gledeleg at det står på side 4 i planrapporten R 1-1-C: Vindkraftanlegg må plasserast slik at dei er til minst mogeleg sjenanse for Tusenårsstaden. Kvifor har ein ikkje teke same omsynet til Skjerjehamn og hyttefelta i området? Saksgangen i dette skal vere, at når tidsfristen for innspel er ute, vil desse bli gjennomgått av administrasjonen og godkjende av HPU (Hovudutval for plan og utvikling). Deretter vil planen bli sendt ut på ny høyring. Viss det er krav om større endringar, kan det bli snakk om endå ei høyring, og heile prosessen vil då ta lengre tid. Såleis har vi endå litt tid på oss, men på side 34 i Høyringsutkast står det at reguleringsplanen for området (Setenesfjellet) er under utarbeiding. Viss kommunestyret skulle komme til å sende den inn til NVE, kan nok løpet vere køyrt for oss motstandarar. Men når NVE tek saka under behandling, har dei også plikt til å kalle inn til eit folkemøte i Gulen om saka før det blir gjort endeleg vedtak. Så lenge denne saka ikkje er endeleg avgjort, kan det framleis sendast inn innspel. Desse kan stilast til Gulen kommune ved Håvard Tveit, som vikarierer for plankonsulent Odd Rune Våge, og sendast på e-postadressa: havard.tveit@gulen.kommune.no eller rett og slett til: postmottak@gulen.kommune.no.
Sjå: Innspel til planprosessen, pdf-dokument. Sjå: Innspel til reguleringsplanen, pdf-dokument. Har lagt ut desse innspela fordi dei kanskje med tida vil bli strokne ifrå den kommunale heimesida. Greitt å ha dei i beredskap i tilfelle saka om Setenesfjellet vindmøllepark eventuelt skulle komme opp igjen. Saksmappe hos NVE (Norges vassdrags- og energidirektorat).
REGULERINGSPLANEN FOR SETENESFJELLET VINDMØLLEPARK IKKJE GODKJENT. Godkjenning av reguleringsplanen for Setenesfjellet vindmøllepark var oppe som sak i Gulen kommunestyre torsdag den 27. september 2007, der det vert gjort fylgjande vedtak: Før Gulen kommune godkjenner utlegging av reguleringsplan for Setenesfjellet vindpark, må areal for vindkraft i arealplanen vurderast på nytt i samband med revisjon av arealplanen for Gulen kommune. Til grunn for denne revisjonen må fleire forhold enn sterke vindresursar vurderast. Sjå avisa Nordhordland: Knusande dom over vindparken>>
MØTE I HOVUDUTVAL FOR PLAN OG UTVIKLING I GULEN 14/9-07. Her vart det gjort følgjande samrøystes vedtak: Saka vert lagt fram for kommunestyret, for vurdering om ein ynskjer ei vindkraftutbygging på Setenesfjellet. Hovudutvalet har fylgjande merknader:
Saksmappe hos NVE (Norges vassdrags- og energidirektorat). Delrapport
landskap: Origo AS Fagrapport.
Gulafjorden vindpark. Elektrisk overføringssystem: JØSOK Prosjekt AS Dette
er ei presisering av den faglege tyngda bak fag- eller delrapportane sendt inn
av Øistein Schmidt Galaaen, Bakgrunn for utredningsprogram. Melding om Setenesfjellet vindpark i Gulen kommune - Sammenfatning av høringsuttaleser og fastsetting av utredningsprogram. Den 8.8.2005. Meldinga om Setenesfjellet vindkraftverk har vore sendt ut på høyring til i alt 24 lag, organisasjonar og offentlege etatar. Ikkje alle har kome med innspel, og av dei som har kome med innspel, har svært mange vore positive inklusive Gulen Bondelag. Diverre er det ingen innafor reiselivsnæringa som har uttalt seg. Hos DN (Direktoratet for naturforvaltning) er prosjektet vurdert som middels omstridt, i og med at det er lagt i kategori C. (Kategoriseringa går ifrå A til E). Sjå Tematisk konfliktvurdering for vindkraft - tema miljø og . Fastsetting av utredningsprogram ifrå Nve. Dette er generelle krav til utgreiing av vindkraftprosjektet med fylgjande 16 hovudpunkt: Grunngjeving for tiltaket, forholdet til andre planar, landskap, kulturminne og kulturmiljø, friluftsliv og ferdsel, biologisk mangfald, støy og skyggekast, landbruk, anna arealbruk, infrastruktur, vindtilhøve og økonomi, samfunnsmessige verknader, vurdering av alternativ, nedlegging, undersøkingar, metode og samarbeid. Høyringsfrist vart sett til 15. mars 2005 og Nve. fastsette utgreiingsprogram 12. august 2005. Melding om planlegging med prospekt til Nve ifrå Fred Olsen Renewables den 12.10.2004. Dette er ei utgreiing av prosjektet med omsyn til lokalisering, lovgrunnlag og saksbehandling, utbyggingsplanar, vurdering av konsekvensar og forslag til utgreiingsprogram.
Dette er den einaste vindmølla som så langt har kome opp på Setenesfjellet. Dvs. det er ein målestasjon for vind som er plassert midt inne på fjellplatået. La oss håpe at det blir med denne eine "vindmølla". |
Setenesfjellet sett ifrå Brandangersundet, den første potensielle staden for eit industrielt vindturbinkraftverk i Gulen kommune. Les meir>> Knusande dom over vindparken. Gulen-politikarane har felt ein langt på veg knusande dom over planane for vindmølleparken på Setenesfjellet. Avisa Nordhordland 29/9-07. Les meir>> Turistane vil ikkje ha vindmøller. Mange turistar er svært negative til vindkraft, det viser ei undersøking gjort av Vestlandsforsking. Les meir>> Gulatinget kan få verdsarvstatus. Gulatinget, Thingvellir og tingstaden på Isle of Man kan hamne på den prestisjetunge verdsarvlista. Den islandske presidenten stiller seg bak ein felles søknad til Unesco. Les meir i bt.no>> UNESCO - World Heritage ga i 2005 dei vestnorske fjordane Geirangerfjorden og Nærøyfjorden verdsarvstatus. Les meir hos Dagbladet.no>> Vestlandskysten og fjordane innafor har heile 3 gonger vorte kåra til verdas beste reisemål av National Geografic Traveler: Norske fjordar 2004, Vestlandsfjordane 2006 og Fjordkysten 2009. WORLD 66, the travel guide you write: Svært positiv og omfattande omtale av Fjord-Noreg som reisemål. Les meir>> Hvor ble det av kraftkrisen. Norge verken har, eller har hatt, noen kraftkrise. Vi har imidlertid en kraftbransje som kontinuerlig har feilinformert, og som har prøvd å få oss til å tro at Norge har for lite vannkraft til å dekke egne behov. Les meir>> Svimlende potensial for offshore vindkraft. StatoilHydro er ett skritt nærmere investeringsbeslutning, etter at Enova bevilget 59 millioner til å sette opp en pilotmølle utenfor Karmøy. Samtidig viser en ny studie enormt potensial for offshore vindkraft. Les meir>> Fiskerne til til kamp mot vindmøller i havet. Fiskerne advarer mot en storstilt utbygging av vindmøller i kystsonen og i havet. Les meir>> Vindmøller og turisme, kan desse to næringane kombinerast? Les meir i Helgeland Arbeiderblad>> Vindmølleparken på Smøla førebels stengd for vanleg ferdsel. Grunnen skal vere at ei vindmølle av tilsvarande fabrikat i USA har dotte ned og drepe to menneske. Les meir hos NRK Møre og Romsdal>> Her eksploderer vindmøllen. Mellom ti og femten alvorleg havari i Danmark på tre år. Vindmøller mister oftere vingene enn tidligere. I løpet av de siste tre årene har mellom ti og femten vindmøller havarert, skriver Jyllandsposten. Les meir og sjå video>>
|
|
NETTVERK MOT VINDMØLLER I GULEN Var medlem av denne landsorganisasjonen som no er nedlagt, så er også heimesida:
Sist oppdatert: 19.02.2012 E-postadresse: leiv.henriksbo@motvindmoellerigulen.net Redaktør: Leiv Henriksbø, web: Studio Henriksbø, org.nr.: 988113824, adresse 5966 Eivindvik, tfl. 57783216, mob. 90990898, privat e-postadresse: leiv.henriksbo@enivest.net. Besøksstatistikk. Alle bilete som er lagt ut på denne heimesida tilhøyrer redaktøren, viss ikkje anna er nemnt, og det er ikkje lov for andre å bruke dei kommersielt.
|
